Le sorvisc de city-bus dl Comune di Badia, na bona alternativa da tó impede l’auto privat por se möie a livel local.
Ci pa?
N city-bus dinamich
Canche te mësses jí invalgó y ne t’os nia tó l’auto, poste cherdé le Badia Bus tres la app o por telefon:
- prenotëia to iade
- al vëgn a te tó
- al te condüj a destinaziun.
La prenotaziun pó gní fata cina mes’ora denanco pié ia.
Badia Bus é n sorvisc che vëgn ma pité por le raiun dl Comun de Badia.
Co pa?
Chërdele canche te l’adores
Te pos prenoté to iade tres la app o por telefon.
Chiló poste desćiarié jö la app: AppStore o GooglePlay
Te pos cherdé sö chësc numer: +39 377 399 0195
Le iade singul costa 1 n euro.
Te pos ince prenoté danfora deplü iadi.
Can pa?
Le sorvisc de Badia Bus vëgn pité:
Da messé a agost
- set dis sön set
- dales 08:30 ales 11:30 y dales 15:00 ales 18:00
Da setëmber a otober
- 4 ores al dé, dala jöbia ala domënia
- dales 09:00 ales 11:00 y dales 16:00 ales 18:00
A che pa?
A düc
Le sorvisc é a desposiziun de dötes les zitadines y di zitadins, di turisć y dles turisttes y de düc chi che á debojëgn y vöia da se möie cun i sorvisc de trasport publich tl raiun dl Comun de Badia.
Ciodí pa?
Por avëi manco trafich y deplü sostignibilité
Badia Bus é na bona alternativa impede tó l’auto privat, deach’al coliëia les zones plü dalunc dal zënter cun la linia prinzipala de trasport publich. Ara te daidará da te sposté te na manira sostignibla, zënza messëi ponsé a plazes da parché o risćé da messëi sté chit amesa codes lunges.
Ciarun da to demanco l’auto, dun n contribut atif por desmendrí le trafich a livel local y por daidé mantigní l’ambiënt!